CLAROMONTANI Gallis

CLAROMONTANI, Gallis

Clermont, nomen illustris in Gallia Familiae: Baron. de Clermont en Dauphine seu en Viennois et Vicecomit. de Clermont en Trieves. Celebris est iam ab A. C. 1180. quô Guilielmus floruit: cuius filiorum alter Amedeus Dominos de Hauterive, de la bastie d' Albanois, et de M. S. Iean ex se procreavit. Maiori natu Siboldo originem reliqui Claromontani seu Domini de Clermot debent. Saeculô XIV. novae divisioni datus est locus, in filiis Aimari et Agathae Pictaviensis. Nam a Gothofredo primarius ramus continuatus est, ab Aimaro Dn. de Hauterive (ad quem etiam Surgeria et dampetraea successio delata est) descendunt Dni de Surgeres et de Dampierre, quorum illi Fonsecas, hi Gondios Radesianos (de Rez) habuêre heredes. Gothofredi filii fuêre, minor Carolus Dn. de Vauserre, cuius progenies in abneptibus defecit: maior autem Aimarus, continuavit primogenitorum lineam; sed necdum divisionis finis. Nam ab Antonii filits, secundo Claudio, Domini de Montoyson derivantur: maior Antonius iterum ex filiis Ludovico et Bernardino diversam habuit posteritatem. Illâ brevi exstinctâ; haec, praeter Barones de Toury, a Bernardini filio Iuliano descendentes, consistit in illis, qui a primogenito Bernardini Antonio trahunt originem. Hic enim ex Francisca Pictaviensi genuit Henricum de Clermont Vicecomit. de Tallard: quô et Dianâ de Marck, genitus Carolus Henricus Comes de Clermont et Tonnerre Vicecomes de Tallard, Primus Baro Delphinatus, ex Catharina Maria d' Escoubleau de Sourdis, numerosam prolem suscepit: in qua eminent Franciscus Comes de Clermont et de Tonnerre, Rogerius Marchio de Crusy, Carolus Henricus Dux de Luxenburg etc. Praeter honorem enim illum, quod primi Delfinatus Barones nuncupantur, accessit etiam hôc saeculô Luxenburgicus titulus, qui tamen iterum per filiam Magdalenam Bonam Theresiam Franc. Henrico Montmorencio Butevilio nuptam, ex hac domo ad Montmorencios migravit. Phil. Iac. Spenerus, Theatro Nobil. Eur. Tom. 1. Magdalenae autem praefatae Pater Carolus Henricus, ex Carola Margaretha Duce Luxenburgica et Pinaea, titulum Ducis de Luxenbourg et Piney Principis de Tingri acquisierat, cum illa filia esset Henrici Ducis Luxenburg. et Pinaei, exstincti A. C. 1616. Vide eundem, Tom. 3. p. 81. ut er in Indice.